Milakirolak

Futbola

Atzo jokatu ziren bigarren mailara igotzeko playoffen azken partida eta horietako bat Eibar-Rayo zen. Kanpoan 1-0 galdu zuen Eibarrek, nahiz eta hobeto jokatu. Etxean dena eman behar zuten igotzeko eta halaxe egin zuten, zorionez 2-0 irabazi zuten eta horrela hurrengo urtean bigarren mailan egongo da. Eibarrekin batera, Cordoba, Ferrol eta Sevilla B igo dira. Horrela hurrengo urtean bigarren mailan hiru talde euskaldun egongo dira: Erreala, Alaves eta Eibar, ea hiru hauek igotzen diren lehen mailara!!!

Larunbatean Kopako finala jokatu zuten Sevillak eta Getafek eta partidu zoragarria izan zen, azkenik 1-0 egin zuten. Kanoutek 10garren minutuan Getafenren huts baten ondoren porteroarekin bakarrik gola sartu zuen. Horrela 1-0 jarri ziren eta Getafek aukerak sortzen eta talde osoa aurrera joaten bukatu zuen. Azken minutuetan Kanoutek falta tonto bat egin zuen, besteak baloia ez zuenean eta txartel gorria atera zion, partidu gogorra izan zen, baina azkenik Sevillak irabazi zuen 1-0. Sevilla ezin hobeto ibili da urte hontan, Europako superkopa, UEFA eta Errege kopa irabaziz.

Euskadik irabazi egin zuen Venezuelaren aurka lagun arteko partida 4-3, Etxeberria (2), Aduriz eta Gabilondoren golekin.

Fitxage asko izaten ari dira eta horietako batzuk hauek dira: Henry bartzelonara, Savio Levantera, Lotina Deportivora, Uche Getafera…

Futbol 7ko txapelketa bat jokatu da, alebinena, eta bertan Errealak irabazi du txapelketa, finala Villarealen aurka izan zen, horrela handiak ibiliko balira…

Saskibaloia

ACBko finala bukatu da eta Madridek Bartzelonari 3-1 irabazi dio. Bartzelonak laugarren partidua behartu ondoren Madridek irabazi zuen. MVP premioa Felipe Reyesi eman diote.

Will Mcdonald, Estudianteseko pivota Tautik oso gertu dago.

Pala

Aurten ere hasi da urtero Ordizian egiten dugun txapelketa, ni Ikerrekin naiz. Lehen partidua ostiral hontan izan dugu eta bertan Unai eta Iñigo J.ren aurka 20-12 galdu genuen. Gure taldean lau gara eta denak sailkatzen gara baina ondoren final erdietan lehena, laugarrenaren aurka eta bigarrena hirugarrenaren aurka izango da. Ostiral hontan beste partidu bat dut eta jokatzerakoan honen berri emango dizuet.